Расталатын құрастырма, жаңа кейіп өңдегіші, желіде болғанда жіберу және т.б.

Telegram — қолданбаларының бастапқы коды ашық жалғыз ірі мессенджер. 2013 жылдан бастап бұл тәуелсіз зерттеушілерге шифрлаудың тұтастығын тексеруге ғана емес, сонымен қатар қауіпсіздік осалдықтарын (немесе артқы есіктерді ) іздеуге мүмкіндік береді.

Осы жаңартумен Telegram GitHub-тағы код пен App Store немесе Google Play дүкендерінен жүктелген қосымшаның коды бірдей екенін тәуелсіз тексеруге мүмкіндік беретін алғашқы мессенджер болды. Қауіпсіздік мамандары iOS және Android үшін қайта құрастырылатын жинақтар нұсқаулығымен таныса алады.

Бірақ сіздердің Telegram-ды тек қауіпсіздік үшін ғана жақсы көрмейтіндеріңізді білеміз, сондықтан ондаған жаңа функциялар мен жақсартуларды қостық. Бұл блог-жазба өте ұзақ болмақ, сондықтан ыңғайланып отырыңыз.

Кейіп өңдегіші 2.0

Чат баптауындағы (iOS-тағы Кейіп) жаңа кейіп өңдегішінің көмегімен сіз элементтердің стилін тез өзгерте аласыз және хаттарыңыз бен фонға керемет градиенттер қоса аласыз. Негізгі түс, фон, хаттарым қойындыларының арасында ауысып, бұл мүмкіндіктің қаншалықты терең екенін көріңіз:

Өңдеуді аяқтаған соң, өз жұмысыңыздың нәтижесімен достарыңызбен бөлісе аласыз, олар кейіпіңізді жалғастырып баптай алады.

Айтпақшы, бұл жаңартуда фонға қолдануға болатын ондаған жаңа керемет нақыштар бар. Бізге математика және Париж мотивтері ерекше ұнады, сонымен қатар жаңа жыл қарсаңында арнайы жасалған нақыш та бар.

Мысықтар бейнеленген жаңа нақыштар да бар. Және ғарыш. Тіпті ғарыштағы мысықтар да бар. Түсіндіріп жатуға уақыт жоқ, бәрін өзіңіз көріңіз.

Жаңа дайын түстер

Шығармашылық көңіл-күйіңіз жоқ па? Мәселе емес, Telegram-ның стандартты кейіптері үшін көптеген жаңа дайын түс сызбаларын қостық. Классика, түнгі, күндізгі нұсқалардың астындағы жаңа теңшеулерді байқап көріңіз.

Желіде болғанда жіберу

Кейбір нәрселерді, мысалы: суши мен бүгінгі хит мемдерді «ыстық» кезінде ұсынған дұрыс. Хат нақты қажет уақытта жетуі үшін біз хатт алушы желіге кірген сәтте жіберілетіндей жоспарлау мүмкіндігін қостық.

Енді хатыңызды таңғы поштамен бірге немесе жиналыс іш пыстырарлық бола бастаған сәтте көңілді үйрек стикерін жіберуге баптай аласыз.

Бұл мүмкіндік тек алушының желідегі күйін көруге рұқсатыңыз болғанда ғана қолжетімді екенін ескеріңіз.

Жақсартылған орын бөлісу

Орналасқан жерді бөлісу функциясы орындарды табуды жеңілдету үшін жаңартылды. Енді орынды таңдау үшін тізімді айналдырып жатпай, оны тікелей картадан басуға болады.

Іздеу нәтижелерін тізім ретінде көру

Іздеу функциясы кілт сөздері бар хаттарды, белгілі бір адам жіберген немесе нақты бір күні жазылған мәтіндерді оңай табуға мүмкіндік береді. Енді төменгі тақтаны басу арқылы барлық нәтижені бір бетте көру үшін тізім көрінісіне ауыса аласыз.

iOS жүйесінде іздеу режімінен шықпай-ақ бірнеше хатты таңдауға болады. (Android-та бұл мүмкіндік бұрыннан бар еді.)

Подкаст пен аудиокітаптарды қолдау

Telegram-да бұрыннан 1,5 ГБ дейінгі файлдармен бөлісуге болатын, бірақ енді подкасттар мен аудиокітаптарға ерекше мән берілді. Telegram қолданбалары 20 минуттан ұзақ аудиофайлдарды қайта тыңдағанда, соңғы тоқтаған жеріңізді есте сақтайды.

Подкастты сәл жылдамырақ тыңдағыңыз келсе, жаңа 2x батырмасын байқап көріңіз (оны дауысхаттардан білетін боларсыз). Жағдайлардың 96,8%-ында дауыстың жіңішке болуын жойдық.

iOS-та үдеріс тақтасын басып ұстап, саусағыңызды төмен, сосын солға немесе оңға жылжыту арқылы жоғары дәлдікпен алға немесе артқа айналдыра аласыз.

Android-тағы жаңалықтар

Түнгі режімге жылдам ауысу

2017 жылдан бастап түнгі режім мәзірдің жоғарғы жағындағы Түнгі режім ауыстырғышы арқылы одан да оңай басқарылады. Ай таңбасын басып, күн мен түннің ауысуын қадағалаңыз.

Карталар да түнгі режімде «қараңғы жаққа» өтті, сондықтан түнде орындарды қарағанда көзіңізді ауыртпайсыз. (•,..,•)

iOS-та қараңғы карталар жүйенің қараңғы режімімен қосылады және өшіріледі. Айтпақшы, жақында біз iOS 13 жүйесінде Telegram тақырыбын жүйелік қараңғы режіммен үйлестіру теңшеуін қостық.

Жаңа анимациялар

Батырмаларды басқанда сүйкімді толқынды анимациялар пайда болады. Чаттағы хаттар арасында ауысу, ғаламдық іздеуді ашу немесе мұрағат бумасын шығару кезінде жаңа анимацияларды көре аласыз. Қолданушының беін суретін жақыннан көру үшін оның бейін бетін төмен қарай тартыңыз.

Хаттың бөлігін таңдау

iOS қолданбасының қадамдарын орындай отырып, Android енді сізге тек толық мәтіннің орнына көшіру немесе жіберу үшін хат мәтінінің бір бөлігін таңдауға мүмкіндік береді. Кейде бүкіл бәлішті емес, тек тілімді қалайсыз.

Басқа қолданбалардан бөлісу

Бөлісу – бұл қамқорлық, сондықтан біз достарыңызға басқа қолданбалардан контентті бөлісуді бұрынғыдан да жеңілдеттік. Енді сіз бірнеше алушыларды таңдау үшін басып, ұстай аласыз және тіпті сіздің жабайы субтитіңізге кейбір мәнмәтін қажет болған жағдайда пікір қосуға болады.

Мұрағатты оқылған деп белгілеу

Шашыраңқы чат тізімі шашыраңқы ақыл-ойды көрсетеді. Мұрағат бумасын басып, ұстап тұрып, олардың бәрін оқылды деп белгілеу арқылы мұрағаттағы қосымша оқылмаған хат санағышын тазалаңыз. (Қызыл түспен шатастыруға болмайды, бұл кейіптерге арналған жұмыс.)

Және басқа да Android қызықтары

Бейне жібергенде оның сапасын ыңғайлырақ таңдауға болады.

Контакт жіберу бетбейнесі қарапайым карточка түріне ауысты.

Дауысхатты құлаққа тосып тыңдағанда өздігінен жауап жазу мүмкіндігін Жазу үшін көтеру баптаудан өшіріп қоюға болады.

Telegram Adventure күнтізбеңізге уақытында Android жүйесінде түзетуді және жақсартуды қажет ететін 31 басқа да қателерді таптық. Олардың барлығын таба алатыныңызды көріңіз.

iOS-тағы жаңалықтар

Мәтін өлшемі бүкіл қолданбада

Telegram-дағы хат мәтінінің өлшемін басынан бастап өзгерте алдыңыз, бірақ енді қаріп өлшемін қолданба бойынша масштабтай аласыз. Әжем бұл блогты үнемі оқитынына сенімді емеспін, сондықтан оған өзіңіз айтуыңыз керек шығар.

Браузер таңдау

Енді сілтемелерді ашу үшін сыртқы браузерлерге қолдау көрсетіледі, өзіңізге ұнайтын қолданбаны Баптау → Дерек пен жад → Басқа арқылы таңдай аласыз.

Бөлісу табағының баптауы

Жақында ең танымал Telegram чаттарыңыз iOS бөлісу табағына қосылды. Онда пайда болуы мүмкін (немесе мүмкін емес) нәрсені басқарғыңыз келсе, жаңа қосқыштарды қолдана аласыз Баптау → Дерек пен жад → Басқа → Бөлісу табағы.

Тіркелгілер арасында жылдам ауысу

iOS 13 жүйесінде қолданбаа таңбасын басып тұру арқылы тіркелгілер арасында жылдам ауысуға болады. 3 нөмірге дейін қосып, жүйеден шықпай-ақ қолдана алатыныңыз есіңізде болар.

Есіңізде болсын, Telegram-ды бірнеше тіркелгімен, 3 телефон нөміріне дейін ауыстырып, жүйеден шықпай-ақ қолдануға болады.

Жадтың жұмсалуының жаңа көрінісі

Жадтың жұмсалуы беті қайта жасалды. Ол құрылғыңыздың жадында Telegram мен басқа қолданбалардың қанша орын алып тұрғанын нақты көрсетеді.

Telegram-да барлық мемді құрылғыда сақтаудың қажеті жоқ, бәрі бұлтта тұра береді.

Кәш тазалаудың жылдам жолдары

Топта немесе арнада бірнеше хабарламаны таңдау арқылы сол чаттың кәшін тазалауға болады. Хаттарды жоймай-ақ, жадты босатудың ең тиімді жолы.

Қосымша теңшеу үшін Баптау > Дерек пен жад > Жадтың жұмсалуы бөлімін қараңыз.

Мүшелер тізімі

Кейбір үлкен топтардан шығып, жаңа онжылдықта жаңадан бастағыңыз келсе, мүшелердің ұзын тізімдері жасырылады, сондықтан сіз айналдырмай Топтан шығу батырмасына жете аласыз.

Айтпақшы, чат тізімінен топты немесе арнаны сырғыту және жоюды таңдау әлі де ең қысқа жол болып табылады, бірақ қазір жаңа жылдық кештен ерте шығудың бірнеше жолы бар.

Бүгінге осымен бітті. Жаңа жыл құтты болсын!

2020 жыл көңілді болмақ. Біз терең жер астындағы кішкентай жылы R&D бункеріне оралғанша қыстан ләззат алыңыз.

2019 жылы 31 желтоқсан
Telegram командасы